Նախագծային ուսուցում
- Նախագծի թեմա՝
զույգ ու կենտ թվերի ուսուցում
- Նախագծի նպատակ՝
երեխաները կարողանան տարբերակել զույգ և կենտ թվերը
- Նախագծի խնդիրներ՝
- զույգ ու կենտ թվերի ծանուցում
- կարողություն՝ զույգ ու կենտ թվերը ճիշտ կիրառելու խնդիրների և թվաբանական գործողությունների լուծման մեջ
- զարգացնել ուշադրությունը, տրամաբանական մտածողությունը, հիշողությունը, արագ կողմնորոշվելու կարողությունը
- մեծացնել հետաքրքրությունը առարկայի նկատմամբ
- Նախագծի մասնակիցներ՝
8-ից 9-ը տարեկան երեխաներ
- Անհրաժեշտ նյութեր
Համակարգիչ, 2 տանձ, 3 խնձոր, գունավոր մատիտներ
- Դասի ընթացք
Սկսվում է բանավոր հաշվով։ Սկզբում հարցերը կտեսնեն էկրանին ՝ խաղի տեսքով , կընթերցեն , նոր միայն կպատասխանեն՝ ընտրելով ճիշտ տարբերակը։ Հաջորդիվ բանավոր հաշիվ կիրականացվի ՝ ամրակայելով նախորդ թեմաները և սահուն անցում կկատարվի զույգ և կենտ թվերին։ Սահիկահանդեսի միջոցով հերթականությամբ կցուցադրվեն բազմանիշ թվեր՝ քառանիշ, հնգանիշ, վեցանիշ, որոնք բաժանված են զույգ և կենտ խմբերի։ ՈՒղղորդված հարցադրումների միջոցով իրենք կգան այն եզրահանգման , որ եթե թվի վերջին թվանշանը զույգ է, ապա այն զույգ թիվ է, իսկ վերջին թվանշանի կենտ լինելու դեպքում այն կենտ թիվ է։ Այնուհետև մրգերի միջոցով կկազմակերպվի խաղ՝ երեխաներին բաժանելով երկու խմբերի, որոնք կներկայացնեն մի կողմից զույգ, մյուս կողմից կենտ թվերը մրգերի միջոցով։ Վերջում կամփոփվի կատարված դասը տարատեսակ հարցերի և վարժությունների միջոցով։