Ես իմ ողջ գիտակցական կյանքում ցանկացել եմ սովորել և լինել սովորեցնող։ Սկզբում քույրիկիս, հետո բակում խաղալիս ՝ ընկերներիս… Ավելի հասուն տարիքում հասկացա,որ դա մանկավարժություն է և ես անչափ սիրում եմ մանկավարժի աշխատանքը։ Ինձ լավ եմ զգում այդ գործունեության մեջ։ Սիրում եմ երեխաներին ու կարծում եմ , որ շփումը ստացվում է նրանց հետ։
Ցանկանում եմ աշխատել Մխիթար Սեբաստացի կրթահամալիրում, քանի որ ինձ դուր է գալիս այստեղ իրականացվող այլընտրանքային ուսուցման ձևը և կարծում եմ , որ այն շատ արդյունավետ է թե սովորեցնողի և թե սովորողների համար։
Կրթահամալիրի առանձնահատկություններից կարևորում եմ , որ մշտապես սովորեցնողը կարող է կրթվել, զարգանալ ու իր գիտելիքներն ու հմտությունները անհատապես փոխանցել իր սովորողներին։ Ծրագրերը կազմված են ժամանակին համահունչ,որը ավելի դյուրին է դարձնում սովորելու գործընթացը։ Կարևորվում և իրականացվում են տարբեր ուսումնական ճամփորդություններ։