Երկիր,որտեղ բոլոր բառերը սկսվում են <<Չ>> –ով
Այո՜, Ջովանինո Անբանը հայտնի ճանապարհորդ էր: Ճամփորդեց նա, ճամփորդեց և հայտնվեց մի զարմանալի երկրում: Ինչն էր զարմանալի՞: Այստեղ բոլոր բառերը սկսվում էին «Չ»-ով:
_ Սա ի՞նչ երկիր է,-հարցրեց նա մի քաղաքացու, որը հանգստանում էր ծառի տակ: Պատասխանի փոխարեն, այս մարդը գրպանից հանեց գրչահատ դանակը և ուղղակի տվեց Ջիովանինոյին.
_ Տեսնո՞ւմ ես:
_ Տեսնում եմ: Դանակ է, էլի՛:
_ Ա՛յ սխալվեցիր: Սա Չդանակ է, ավելի ճիշտ՝ դանակ է, որի սկզբում «Չ» է դրված: Սա նրա համար է, որ մատիտների փշրանքները սրելով դարձնի նոր մատիտներ: Դպրոցականների համար շա՜տ օգտակար իր է:
_ Հրաշալի՜ է,-հիացած բացականչեց Ջիովանինոն – ուրիշ ի՞նչ կա:
_ Ուրի՞շ… մենք Չկախիչ էլ ունենք:
_ Այսինքն՝ ուզում եք ասել` կախի՛չ:
_ Ո՛չ, հենց այնպես, ինչպես ասացի` Չը-կա-խիչ: Կախիչից ի՞նչ օգուտ, եթե բան չունենամ կախելու: Ա՜յ, մեր Չկախիչը այլ բան է: Նրանից ոչինչ կախել պետք չէ, նրա վրա ամեն ինչ արդեն կախված է: Քեզ վերարկո՞ւ է հարկավոր` խնդրեմ՝ վերցրո՛ւ: Ասենք ինչ-որ մեկին պիջակ է պետք, պետք չէ խանութ վազել գնելու համար: Պետք է մոտենալ Չկախիչին և վերցնել պիջակը: Մենք ունենք և՛ ամառային, և՛ ձմեռային Չկախիչներ, ունենք Չկախիչներ տղամարդականց համար, առանձին Չկախիչներ՝ կանանց համար: Սա փող խնայելու շատ լավ միջոց է:
_ Լա՜վ… էլ ի՞նչ կա:
_ Հա՜, մենք նաև Չֆոտոխցիկ ունենք, որը սովորական նկարներ նկարելու փոխարեն մուլտֆիլմեր է նկարում և մարդկանց ուրախացնում: Ունենք նաև Չհրացան:
_ Վա՜յ, ինչ սարսափելի է:
_ Ո՜չ, ինչ եք ասում… Չհրացանը այնքան էլ հրացան չէ: Չհրացանը նրա համար է, որ վերջ դնի պատերազմին:
_ Ինչպե՞ս թե, իսկ ո՞նց է դա լինում:
_ Շա~տ պարզ, անգամ երեխան կարող է այն գործի գցել: Եթե հանկարծ պատերազմ է սկսվում, մենք անմիջապես Չշեփոր ենք փչում և կրակում Չհրացանով, պատերազմը տեղնուտեղը դադարում է:
_ Ինչ հրաշալի է այս երկիրը` որտեղ ամեն ինչ սկսվում է «Չ»-ով:
- Ի՞ նչ առաջարկեց ծառի տակ պառկած քաղաքացին Ջովանինոյին` թվարկի՛ր ըստ հերթականության ։
- Ինչի համար էր Չդանակը։ Կարդա՛ այդ մասին պատմող նախադասությունը:
- Ինչի՞ համար էր Չշեփորը : Դուրս գրի՛ր այդ մասին պատմող նախադասությունը:
- Տեքստից դուրս գրի՛ր զարմանք արտահայտող նախադասություններ կամ հատվածվածներ։
- Տրված բառերից որը կնախընտրեիր ունենալ /Չկախիչ,Չդանակ,Չհրացան, Չֆոտոխցիկ ,Չշեփոր/ և ինչու։
- Շարունակի՛ր
Մտածում եմ ,որ այդ երկրում –––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––
Այս հեքիաթի ամենալավն այն էր, որ –––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––––
- Ինչո՞վ են նման չկախիչը և կախիչը։ Թվարկի՛ր մի քանի նմանություն։
- Քո կարծիքով ինչու՞ էին այդ երկրի Երկրի բոլոր բառերը սկսվում են հենց <<Չ>> –ով։
- Քո կարծիքով ինչպիսի՞ն էին այդ երկրում ապրող մարդիկ / նկարագրի՛ր կամ բնութագրի՛ր/։
- Տրված բառերից, որը կնախընտրեիր ունենալ /Չկախիչ,Չդանակ,Չհրացան, Չֆոտոխցիկ ,Չշեփոր/ և ինչու։
- Կուզեիր՞ ապրել այդ երկրում և հաճախել այդ երկրի Չդպրոցը։
- Իսկ ինչի՞ համար կլինի չարևը, չշոկոլադը, չպաղպաղակը, չկոշիկը, չհամակարգիչը:
Բացատրի՛ր ,իսկ հետո նկարի՛ր։
- · Իսկ ի՞նչ տառով կսկսեն քո ստեղծած երկրի բոլոր բառերը,ինչպե՞ս կկոչվի այդ երկիրը։ Պատմի՛ր :